תנ"ך על הפרק - תהילים קמא - מצודת ציון

תנ"ך על הפרק

תהילים קמא

708 / 929
היום

הפרק

מִזְמ֗וֹר לְדָ֫וִ֥ד יְהוָ֣ה קְ֭רָאתִיךָ ח֣וּשָׁה לִּ֑י הַאֲזִ֥ינָה ק֝וֹלִ֗י בְּקָרְאִי־לָֽךְ׃תִּכּ֤וֹן תְּפִלָּתִ֣י קְטֹ֣רֶת לְפָנֶ֑יךָ מַֽשְׂאַ֥ת כַּ֝פַּ֗י מִנְחַת־עָֽרֶב׃שִׁיתָ֣ה יְ֭הוָה שָׁמְרָ֣ה לְפִ֑י נִ֝צְּרָ֗ה עַל־דַּ֥ל שְׂפָתָֽי׃אַל־תַּט־לִבִּ֨י לְדָבָ֪ר ׀ רָ֡ע לְהִתְע֘וֹלֵ֤ל עֲלִל֨וֹת ׀ בְּרֶ֗שַׁע אֶת־אִישִׁ֥ים פֹּֽעֲלֵי־אָ֑וֶן וּבַל־אֶ֝לְחַ֗ם בְּמַנְעַמֵּיהֶֽם׃יֶֽהֶלְמֵֽנִי־צַדִּ֨יק ׀ חֶ֡סֶד וְֽיוֹכִיחֵ֗נִי שֶׁ֣מֶן רֹ֭אשׁ אַל־יָנִ֣י רֹאשִׁ֑י כִּי־ע֥וֹד וּ֝תְפִלָּתִ֗י בְּרָעוֹתֵיהֶֽם׃נִשְׁמְט֣וּ בִֽידֵי־סֶ֭לַע שֹׁפְטֵיהֶ֑ם וְשָׁמְע֥וּ אֲ֝מָרַ֗י כִּ֣י נָעֵֽמוּ׃כְּמ֤וֹ פֹלֵ֣חַ וּבֹקֵ֣עַ בָּאָ֑רֶץ נִפְזְר֥וּ עֲ֝צָמֵ֗ינוּ לְפִ֣י שְׁאֽוֹל׃כִּ֤י אֵלֶ֨יךָ ׀ יְהֹוִ֣ה אֲדֹנָ֣י עֵינָ֑י בְּכָ֥ה חָ֝סִ֗יתִי אַל־תְּעַ֥ר נַפְשִֽׁי׃שָׁמְרֵ֗נִי מִ֣ידֵי פַ֭ח יָ֣קְשׁוּ לִ֑י וּ֝מֹקְשׁ֗וֹת פֹּ֣עֲלֵי אָֽוֶן׃יִפְּל֣וּ בְמַכְמֹרָ֣יו רְשָׁעִ֑ים יַ֥חַד אָ֝נֹכִ֗י עַֽד־אֶעֱבֽוֹר׃

מאמרים על הפרק

מאמר על הפרק

מאת:

פירושים על הפרק

פירוש על הפרק

מאת: ,
חושה. ענין מהירות כמו לעזרתי חושה (לעיל כב): מנחת ערב. מענין תשורה: דל. ענין הרמה כמו דלו עיני למרום (ישעיה לח): להתעולל עלילות. ענין פועל ומעללים כמו אשר עולל לי (איכה א): אישים. אנשים: אלחם. מל׳ לחם ועניינו מאכל כי כל דבר מאכל נקרא בשם לחם: במנעמיהם. מלשון נעימות וענינו מתוק וערב: יהלמני. ענין הכאה המשברת כמו והלמה סיסרא (שופטים ה): יני. ענין הסרה ומניעה כמו כי הניא אביה (במדבר ל): נשמטו. ענין החזרה ממקומו כמו שמטו הבקר (ש״ב ו): שופטיהם. הם שרי שאול ששפטו עליו המיתה כי חשבוהו למורד במלכות: פולח ובוקע. הם אחת בשמות נרדפים כמו יפלח כליותי (איוב טז) וכן דרך המקרא לכפול בשמות נרדפים כמו אדמת עפר (דניאל יב): תער. ענין שפיכה והרקה כמו ותער כדה (בראשית כד): במכמוריו. עניינו פח ורשת כמו ויאספהו במכמרתו (חבקוק א):

תנ"ך על הפרק

תנ"ך על הפרק

תוכן עניינים

ניווט בפרקי התנ"ך